حملة التبرع بالدم موفيمبيك
في يوم من الأيام الي ودك ترجع علشان تفنقره من حياتك
وصلي تلفون صاحبته جدا تعبانة الأخت تعرفني
وتعرف ان عندي شبكة عنكبوتية بالكويت على اساس الاعلام
على فكرة الأخت فلسطينية
الأخت: ولك انتي وينك
ام بدر : هلا فلانه شفيج ... عسى ماشر سلمي !!
الأخت: عم بتصل عليك وما تردي
ام بدر: ما كنت حوالي التلفون
( اللاكتروني هذا مو صديقي ما احب القرقه وخصوصا من الحريم)
الأخت: ولك صارلي ساعتين برنلك ..
انتي مين عندك هونيك بالمنطقه العاشره
ام بدر: ما عندي احد .. ليش ؟
الأخت: في واحد عم يبعت مسجات وبدو ياخد صالة العرض
ويعرض فيها وعمال يسبني ويحكي حكي مش كويس
ام بدر: شنو حكي مش كويس منو هذا ؟
الأخت: شو بعرفني انا .. واحد كويتي ..
ام بدر: خلاص اهدي شوي خل نشوف شسالفه وتالي احاجيج
الأخت تشتغل منظمة معارض والأخ داش عرض على منطقتها حصريا
سويت تحريات لأنها كسرت خاطري تصارخ وتعبانه
لقينا رقم الريال ...
دقيت عليه على أساس أفهم الموضوع بعد ما عرفته بنفسي
التاجر: هلا اختي ام بدر
ام بدر: شلي صاير أخوي
التاجر : ولا شي أجرنا صالة العرض واهي مو راضية واتصلت فيني وما قصرت وما تبيني اشتغل وانا اول مرة استرزق ...!!
( بعدين اكتشفت ان الرياييل عندهم قدره على التمسكن اكثر من الحريم)
وانا أخوج اول مرة أشتغل وريال فقير ويتيم وهذي محاربتني
ام بدر: اهي مو محاربتك اهي تقولك ليش تخسف بالأسعار !!
التاجر: اختي ما عندي ناس شسوي وانا ريال بدوي
ولا نزلت بمستواي وارد عليها لأنها سبتني لا ابشرج شرشحتني
( سكت انا هني لأني اعرف لسانها عدل الله يهداها )
دقيت على الأخت
نبذة عنها سيدة اعمال من الدرجة الأولى تتقن عملها الى درجة لا توصف طيبه جدا وكريمة وايضا لها يد في الخير لكن علتها لسانها
( الحلو ما يكمل مو كامل غير وجه الكريم )
طبعا اتصلت عليها انكرت كلام الرجل جملة وتفصيلا ..
واهو انكر كلامها جملة وتفصيلا ...
حبيت انصف الموضوع ...
تدخلت بالخير وقلت شتحتاج من مشاركين
قال وايد يا ام بدر انا ما اعرف في المنطقه العاشرة...
( تالي دريت انه من اهل المنطقه لا من موظفيها
... اي والله اي والله ..
على قولة عبد الحسين بدور عنتر في بساط الفقر )
قلت له ( وهني خذتني الغارية والحميا الكويتيه ... يا قردي بس )
قلت أفا عليك الحين يجيك قروب كامل عندي 63 الف تاجر كويتي بالانترنت الحين اطرشلك مشاركين وروح يا وخيتك عسى الله يرزقك ويفتح عليك
( اموت بالدعاوي ادعي للناس مو ادعي عليهم وعلى عيالهم ..
اي نغزة مبينه
دقيت على الأخت : شوفي حبيبتي هذا رزق خليه يسويه المعرض ويحط الأسعار وانتي مرة من زمان بالسوق
وماراح يأثر عليج لأن لج قاعده عريضة بهالمنطقة
المهم هدت شوي او مثلت علي
دق علي الأخ يتشكر على المشاركين وعزمني على افتتاح معرض في الموفيمبيك اعتذرت لأني بطور تحضير لحملة تبرع بالدم عندنا نقص بالبنك الدموي
مثل الوطني بالضبط
فقالي مكانج موجود تعالي في الموفيمبيك واختاري المكان وانا اقدملج الدعاية لمدة اسبوع وعندي مشاركين قائمة المستقلة 14 الف
رحنا اجتماع الموفيمبيك وكنت ماخذه الصالة الي فوق بالبوفيه لأن الي فيها شخصيات برلمانية فوعدني بان كل شي بيكون ممتاز
طبعا انشغلت انا طول الاسبوع احضر للحملة وبنك الدم والبروشورات والاتصال على الشخصيات واعتمدت عليه كليا بالاعلانات
كان افتتاح معرضهم يوم الخميس واشترطت ان يكون
افتتاح الحملة يوم الجمعه علشان لا تختلط على الناس
طبعا للأمانة الموفيمبيك ما خلوني ادفع فلوس الصالة ولا تحضيرات البوفيه
حضرنا الصالة من يوم الخميس الصبح واستغربت مافي اعلانات ولا مسجات ولا اي شي
(كنت على ثقة عمية بهالكويتي )!!
لكن الموفيمبيك اشترطوا ان بنك الدم يكون له مكان في المعرض
رحت الخميس يوم افتتاحهم الساعة خمس
ومرزوق الغانم على وصول والبارتيشنز مو خالصين
وحاطين البنك في قرقور والمكان فيه شيء مو طبيعي
حاشتني غمته مو طبيعيه قلت الموضوع فيه شيء
طبعا اهو شافني وارتبك ومادري شلي أربكه
لكن وصل مدير قاعة المؤتمرات وطلبني
رحت شفته وفي معرض ثاني جباله دشيت ولقيت مجموعة شباب كويتي
بلبس موحد تعرفت عليهم طلعوا
(مجموعة شباب بيوت الكويت التطوعيه)
فقلت للقائد شوف انا متوهقه جد وحااسه في شي غريب ولا يمكن احساسي يخطئ
انا جايتني شخصيات باجر للافتتاح غير الناس الي بتجي
للتبرع والصالة فوق ومحتاجة احد ينظم هالهيصة
قالي القائد حسن البارون افا عليج ننظم الحملة ونتبرع كلنا
دمعت عيوني والله
( لأن هذا كويتي ثاني وشتان مابين الاثنين)
كان يمي مدير القاعة قالي شوفي ام بدر
الاعلان بس اليوم نزل بالجرايد والموفيمبيك عطته نص المعرض
ببلاش علشان بنك الدم !!
انصدمت .. يعني شنو !! ماكو اعلانات ؟ اسبوع بدون اعلانات !!
والناس الي بتجي ..
والشخصيات من وين اييب ناس انا الحين واليوم الخميس
وصل مرزوق الغانم .
وطبعاكنتت انا بواجهة المعرض ولازم اقدم المعرض له
كنت بموقف مؤسف
طبعا سكت لين راح مرزوق الغانم عقب ما دعيته للحمله الي طنشها
سألت التاجر انت مسوي دعاية قعد يتحلف انه مسوي دعاية قلت وين الدعاية
وانت ماخذ لوقو الحملة( تبرع تصدق) مني واليوم بس نزل اعلانك ..
المهم ركبت سيارتي ورديت وطول الدرب وانا اقول من وين اييب متبرعين !! وصلت البيت دشيت وصليت ومسكت تلفوني وطرشت مسج عام للكل بنداء استغاثة
ما قصروا الناس كل الي اعرفهم لكن كان يوم جمعه والناس بالشاليهات وعطله والي مسافر
المهم كنت بخانة اليك !
صار يوم الجمعه ..
دق علي التاجر : ماتبين نجيب لج رولا دشتي ام بدر استغربت منه فسكرت التلفون على اني مشغوله وفعلا كنت ويا القروب نرتب الوضع
وصلنا الافتتاح ..
قبل الافتتاح أخذنا البروشرات وطلعوا فيهم الجواله بما فيهم عيالي الاثنين يوزعونهم على الناس بالشارع
الي وصلوا الشخصيات لكن مافي متبرعين
ربع ساعة وصلت لي راعية المعرض الثاني وفجأة صدفه تطلع جذب التاجر قلت عندج خبر بالحملة نفت وان قائمة المستقلة اصلا ما عندها خبر بالموضوع
يعني كنت بروحي انا والجوالة بس
وانا جايبه بنك الدم للموفيمبيك
والحملة باسمي ..
معقوله في ناس تكذب بشي خيري!!
توكلت على الله جل جلاله
وقلت : يارب كل هذا لوجهك الكريم ساعدني
طرشنا الي نقدر عليها على البلاك بيري وما ادري من وين وصلي دعم من داخل المعرضين وعلى النت اتصلت على اف ام الكويت ما ردت علي طبعا
تبي كتاب الأخت فدقيت على المارينا ما حصلتهم اول يوم ...
وصلوا الناس للمعارض
فقمت أروح للمعرض الأخت واخذ الميكرفون واعلن عن الحملة وارجع للمعرض الثاني واخذ الميكرفون واعلن عن الحملة
سكرنا يوم الجمعه قبل الموعد المحدد بنص ساعة اللهم لك الحمد !!
قعدت على القنفه بعيد مناك عن الناس
شكرت ربي سبحانه على فزعته
الكبيره لي جدام غدر الانسان وحقارته وطمعه بفلس زيادة !!!
وصلنا يوم السبت وكان أحلى من يوم الجمعه ووصلنا دعم من الناس
وكانوا الجواله وعيالي يسوون عرضتهم
ويجيبون المتبرعين من الشارع ورواد المعرضين
وجاني التاجر وجدام الناس يقولي رغم الدعاية الي سويناها ما جاج أحد ؟
ناديت الأخت وحطيتها جباله وقلت سويتوا دعاية للحملة انكرت بوجهه
قلت شوف يا فلان انا إمرأة لكني وقفت وياك لما احتجت
وجيتك من اقصاي ليشنك كويتي
وانت ريال وطلعت نصاب وموقد كلمتك وخونت فيني !!
كل هذا علشان يخصمون لك الصالة
وتطلع بخمس الاف دينار زيادة على حساب جم جيس دم !!
ممكن انت والا واحد من عيالك يحتاجونهم بأي وقت او هذيل الي جدامك اهل الثلاسيميا الي يحتاجون كل شهر عشرين جيس
انكر .. وقال انا مابي اخسرج
قلت لا خسرتني وبكل جدارة انا ما اتشرف احط اسمي وياك ...
وصدقني ما عرفتني عدل ليما الحين بس خلي يعدي هاليوم على خير
ويلا عطني عرض مقفاك ولا كلمة زيادة
( اي شرانية وهالحجي جدام قروبي 50 شخص وطردته جدامهم)
وعقبها سوينا عرضة وتشبيكه كويتية
انتهى اليوم قبل الوقت المحدد بعد بمعدل 200 متبرع بدون دعاية
بس وقفتنا من الساعة الخامسة الى العاشرة لوجه الله تعالي
ثالث يوم كلمت المارينا بس علشان افضح
التكسب الي صار على حساب جم جيس دم
لحظة
دقيت على المشاركين الي طرشتهم له وقلت سمعوا المارينا انا هناك
وبكيفك اذا تميتوا
لكن نفس دنعة ودون جذي
انا ماشفت ولا راح اشوف
