من الأشياء الي عمري ما شفتها
استقبال الفنانين من قبل الجماهير ...
يسولفولي عن هالسالفة .. بس ما شفتها من قبل ...
تدرون بعد الي يقول اني عنجهية
وعندي الأنا مرتفعه وشايفه نفسي
ومن الوسط المخملي وعايشة الدور ...
المهم
مالكم بالطويلة ...
جك بم الا آنا في افتتاح أحد المعارض الي
انعزمت عليها والي بالمناسبة تزيد برمضان
انا مادري شالسالفة كنت
ويا الخوات من الوسط الارستقراطي
وكلنا لابسين عقود ماسية
...( اتغشمر) أغلبها تقليد
فجأة دشوا فنانين ... نصهم ما اعرفهم
عرفت منهم خالد أمين ...
هذا لانسان جد آنا أحترمه ...
لكن بنات هالمنطقه فاجأوني بتصرفاتهم ...
خلوا الدنيا وطبوا على الأخ خالد ..
الي طبعا اعتبر نفسه على المسرح
وقام يوزع قُبــل وابتسامات ويسلّم ...
الشهادة لله
الشباب كانوا في غاية الاحترام ...
لدرجة إن سووا عليهم حماية ..
وانا كنت في غاية من الذهول من صراخ البنات
والتصوير بالتلفونات
خااااااااالد طالعني خااااااالد ..
واخزياه ..
وما عرفنا لا نتسوق ولا نشوف سي خـــالد
مابي أكمل شصار ... لأنه جد عيب
حتى الأجانب ما يسونها ....
ليست هناك تعليقات:
إرسال تعليق