هــذا سيــفوه .. وهــذي خلاجيــــــنه ...!!

هذا سيفوه وهذي خلاجينه

مثل سهل وبسيط وسريع الهضم

لمن يقال هذا المثل ....

الزوجة المهملة ...

هذي وحده شيسوي وياها ماكو فايده ...

تزوجت عندها اللبس بس شهر العرس

 
وعقب الشهر كيفه يتعود 

 

يشوفها بدراعة المطبخ

 
عادي يشوف كشتها الصبح جنها اسد مخترع 

 
عادي يقعد الصبح يطلع بدون ريوق الدوام

عادي يرد الظهر يلاقيها نايمة وماكو غد!! 

 

ويدقدق على المطاعم!!

والا يحط خبز وطماط وخيار وزيتون وغوري جاي ويتغدي

ويدش عليه ولده الصغير يبا انت شفيك تتغدى ريوق !

مل من السوالف والنصايح ..

حتى ربعه لا شافوه يجامله مسيجين يسأله

شسوت ام العيال اليوم ..!
والي يدور ويهه عنه ويبربر بشيشته يعني مشغول تلفون !!
يروح يصيف بسوريا ويجيب فرفورة صغيرونه ..

تاخذ الدور الثاني وتمشي الخدم وتقعد له قعده ..

ابن عمي .. الفطور تأبش ألبي أبش

ابن عمي .. الغد تأبرني

 
ابن عمي .. انزع من رجلك وسختلي البيت من بعد ازنك هادا

 

صباطك (نعالك عزكم الله)

 
والبيت يلق مثل مبنى شركة اعيان اليديد

يرتاح يروح للأولى تتسنع اسبوع واحد

تروح تطق الشعر بلياج وتمليس 

 
وما تخلي محل ما تمر تتشرى منه ملابس

تشتري سياره يديده ليش .. مادري !

 
اسبوع زمان 

 
وترد لكشتها ( طلع التمليس بو طقه)

ويرد الحال مثل اول ... 

كسل واهمال وعمات عين


هذا سيفوه وهذي خلاجينه !!

هذا المثل يقال إلى ...


الزوج الي هوايته الجذب ..

بنتغشمر شوي ويا الحداقه ..

كان حنطاوي ويحب الحداق ويحب يطول يتأمل شيسوي .. 

 
واهي تزهب عدة الحداق ..

 

شكت يتأخر وايد وما يطلع الا ايام عطل .
.
شالسالفة

اهي مرة والشيطان شاطر ..

بس الي مطمنها وحده من رفيجاتها شافته وياها السوق

وسالتها هَو.... مويضي منو هذا الخاكي اللي وياج !! 

 
موضي: شفيج هذا ريلي بو عيالي .. 

 
رفيجتها: وعلامه مزورق على بنفسجي .. 

 
موضي : مافي شي من الحداق تان يا وخيتج تان 

 
رفيجتها : هذا مو تان هذا شتَان بين التان وهالصبغة الجويتية !!

استانست موضي بس لا في شي ..

حطت بعدته تي شيرت وراح الحداق ..

رد ثيابه زفر وبيده سمج 

 
موضي :بو فلان عسى صدتوا شي .. !!

 
بوفلان: اي صدنا هذا جدامج 

 
موضي: وين عيل الفنيلا الي بالعده ..

 
بو فلان : اي عده !!!! 

 
طلع رايح يسووووووع بالبحرين!!

تاب جم شهر ..

وتالي جكته رايح بتايا على بو رايح العمره ويا ربعه 

 

لما اختربت الطياره بمطار بانكوك !!

هذا سيفوه وهذي خلاجينه ..

تنقال للي ...

الرفيج ... اللي

تنهاه عن درب ويتم ماشي فيه وتلاقيه كل ساع مفيش بشبه ...!
 

وما يموت ... !!

الأخ الي ...

تطيح عليه يشرب زقاير تقنعه وتوديه بيدك يحافظ على الصلاة 

بالمسجد

وفجأة تحصلهم تحت زولية الدبهوانت تركب السبير لما  طق

 

عندك بنجر فجأة !!

الأخت الي ..

تعاند امها بالرايحة والراده وترادد على بو مراهقة ..

كلموها بالتي واللتيا ... 

 
بس ماكو فايده ...

 
طاحوا عليها تراددها وأبوها نازل من الدري 

 
وحصلت كف عصملي محترم ..

 

طن اذونها وصلها لطوفة الجيران !!

هذا سيفوه وهذي خلاجينه ...

تقوله للي ...

تفهمه انك مالك شغل بموضوعه ...

وانك برا المخطط النجمة السداسية . 

عيزت تسولف 

بالعام

بالخاص
.
وماكو فايده ..

ما خله احد ما تشكاله ...

اخرتها ..

مسوي خدمه .. امسح واربح

مسجات على سحب سياره ...!!


صج

هذا سيفوه وهذي خلاجينه ...