الثلاثاء، 21 ديسمبر 2010

ليش ... قولي انت ليش ؟

خلفيات طيور متحركة



ليش... موضوع لي ولك 
=========================
ليش


صار حب الوطن شعارات مثل الرغوه الي نستخدمها في هلافبراير وتخلص بسرعه ..؟


ليش .. 

كل من يستموت يدش الكويت يدشها سنة وعقب ما ياكل من خيرها يسبها ويسب أهلها ....؟


ليش..


الهنود البهارا مستولين على اسواق الذهب و اسواق الخام والشويخ وحتى

سرداب الشايع...؟


ليش...؟
المرأة ما تدخل رالي لسباق السيارات بالكويت

يمكن لا دشت يخف الضغط الي بالديره ...؟


ليش...



منهج الحكومه الدراسي والتربية دايخه والامتحانات في تسريب

وبأخر عشر سنوات يبون جيل مميز؟


ليش...


مستشفى السيف على البحر بدون مواقف ..؟ 
ليش...

الشباب هادين كل المطاعم ومتكودين على ماكدونالدز البحر ..؟


ليش...



كل سنة ارباح الجمعية ما تتغير لو اني مشترية بعشر الاف ..؟
حاليا .. 
 ليش ..

ليش رولا دشتي ما تتعلم تتكلم كويتي ...؟

ليش ...

حولي صايره جنها الجيزة بمصر ...؟

ليش ...

جليب الشيوخ لها هالسمعه السيئة والداخلية نايمة بالعسل ..؟

ليش..

لما يصيدون باكستاني مهرب بطلين وحشيشتين يحطون صورته بالجريده ويقولون بدون ؟

ليش...

اذا قدمت مشروع للمشروعات الصغيره يرفضونه وبعد فتره ينفذونه وانت اخر من يعلم ؟

ليش ...

ما عندنا مجلس للثقافة والفنون والآداب ..عندنا مجد مبنى متهالك واشخاص انتهازية؟

ليش ...

 
لما ناقشني مستشار في القضايا عن كاميرات الشارع لماذا تأخذ الصور من الخلف ...اشاد بأن هناك نساء تخرج مع غير ازواجهن فالداخلية بتحافظ عليهم ؟


ليش ... 

 
استدعاني المدير لما قلت له اذا هذيل مستشارينك عيل ونعم الثقافة ونعم الآداب !!! 

 
ليش
 
اي اثنين يسوون غلط ما يشوفونهم الناس يعرفون غلطهم من هواشهم تالي؟


ليش ...

 
ما اقدر اسوق افلانش او ساييرا او سلفرادو او اي وانيت ؟؟؟

 
ليش .

 
.نتعامل بعنف حتى مع بطل الدقوس اليديد لا زم ينطق ؟


ليش...

 
ناخذ ورد بس للمريض؟ 

 
ليش...

 
لما تزعل مع احد يهمك اتم تطالع التلفون ناطر مسج منه !!!

 
ليش ...

الرجل يسوق باليسار عادي ومرتاح والمرة باليمين وتلاقيها حاطه ايدها على السكان والايد الثانية مسنده خدها فيها وتنافخ ..؟ 


ليش...

 
ما يحلى الواحد ينظف سيارته الا واهو ماشي على الحط السريع او يم الاشاره!!!


ليش...


الي عنده مرسيدس بانوراما لازم يمشي الحارة الوسطانية وبسرعة 80 !!!


ليش ... 


الكويت كل جيل يستلمها يكون اضعف من الي قبله ...؟ 


ليش ....


كل افلام هوليوود صارت عن اليهود ... حتى روبن هود طلع يهودي!! 

 
 ليش... 

الوحده فنانه في التعليق على الحريم قبل لا تتزوج....!

 
ليش..

 
اغلب الوزارات بدون مصافط وان وجدت ترابية ....!

 
ليش .... 

 
اليهال يهبلون بس اذا كانوا نايمين ....! 

 
ليش...

 
نتشفق على العطلة أيام المدارس ونتمنى المدرسة ايام العطل .. !

 
ليش ... 

 
لا حبتك عيني ما ظامك الدهر ....!

 
ليش... 

المصلي اذا راح المسجد يروح ف بيجاما او دشداشه وجرينبه يعني كاشخ
واذا انعزم على عرس والا عزيمة ..الدشداشة والغتره وحتى العقال يروحون للمصبغه ..!

 
ليش 
 
ما تحترم وجهة نظر الوالد وتمشي على ممشاه إلا لما يصير عمرك بالأربعين ؟ 

 
ليش ... 

كل الكويت زحمة الصبح - الظهر - العصر- بالليل- !!!

 
ليش
 
مخرب الكايين تيربو وصابغه بنفسجي على فوشي.. يعني pink panther ?

 
ليش ..

الي عنده كامري والا التيما طااااااااااااااااير بالشارع ...!!

 
ليش ..

المطاعم الصحية والي ما تعتمد الدهون المشبعه بالأكل أسعارها غالية... رغم اكلها كله مفيوح وسلطاااااااات؟

 
ليش ..

المدرس الكويتي ماسكله عصايا بالصف ... يعني ملا صالح ؟


ليش ...


من سن 7 إلى سن 16 زيادة مفرطة بالوزن للطلاب؟ 

 
ليش ...

لما نشوف الحادث ما نتعظ ...ونهدي شوي ؟

 
ليش ...

الي يقعد في ستاربوكس الصالحية لازم ساعته اكبر من ايده ؟ 

 
ليش
 
التريننق الأملح اقصد الرصاصي الفاتح صار الموضوه ويلبسونه الشباب بكل مكان ؟

 
ليش ...

اخر موضه لتضبيط الحريم والمغازل يقولها انا متزوج ومرتاح بزواجي وزوجتي جميلة جدا وما عليها قاصر وانا متزوجها عن حب ولا زال هالحب عايش فينا ؟

 
ليش ... 

المرأة المتزوجة نايمة بالمنتديات والجات وجنها متزوجة خروف رابطته بالحوش؟


ليش ...


المراهقين يموتون من الضحك اذا بغوا يعلقون على البنات ..
طالع عصاقيلها ...كااااااااااااك
لابسه نفنوف سيلانيتهم ...كااااااااااك ( يضحكون بالكاك)
شوف المخيم الي حاطته فوق راسها يعني شباصه ..كااااااااااك
تكفين سلفيني حجابج ما عندي مخده ...كاااااااااااك

 
ليش ...

احنا شعوب لا تحترم القانون ولا الدور ولا النظااام ؟


ليش... 


قلة الأدب في التعليق دون مراعة شعور الآخرين ...متفشية في المنتديات!!! 

 
ليش ...

الحش عند الحريم لازم يصير بالخش والدس ...؟

 
ليش ... 

السمر اروع البشر وتلاقيهم قلوبهم نظيفه وعيال نكته ....؟

 
ليش ... 

الامارات قدرت توقف 40 شركة ايرانية ... واحنا بس طاقتنا البوهه ؟

 
ليش ... 

الكل صار مفتي ..في الاتجاه والاتجاه المعاكس؟

 
ليش ...
الرقي بالمعاملة والحديث والخطابة مالها شغل بالعمر ...!
 
ليش ...
السينما الغربية مجدت كل رؤسائها وكل فرسانها واغلب الأدباء والعلماء بأفلام ذات قيمة عالية وتقنية عالية جدا دون خوف ...واحنا كل ماسوو مسلسل والا فلم وقفوه الدول العربية ...!!!
ليش... 
رغم انا دولة نفطية إلا أن البانزين غالي ...!
 
ليش ... 
الموظفات بالوزارات ما عندها خطوط حمرا في المحادثة مع الموظفين ..!!


ليش ...
الناس تغيرت لدرجة إن جارك اهو اول من يطل على محارمك...!!
خلفيات طيور متحركة




هناك تعليقان (2):

  1. والله انا خايف عليكى الله يعطيكى العافبه

    ردحذف
  2. اتكلم مثلك استاذه ليش ختمتيها بالغراب علشلن اغراب ولا علشان الايام السوده غرباااااا بالدنيا غربا بالدنيا لاوطن ولا اهل

    ردحذف