قبلت السجن من كيفي لاجل ما يسجن الاصحاب
لاني واثق بنفسي عسى ماخانوا اصحابي
حرمت النفس من أم حنونة واقفة على الباب
واشوف النفس مشتاقة ولكن قفل ابوابي
يا يمه احسب النية سليمة في قلوب احباب
دخلت من صمتي يسجن احبابي
مساجين وقفوا فيني علامك وش هي الاسباب
تلعثم فيني لساني وجبرت الآه باسبابي
يا يمه ما ادري اذا الصاحب هو الساحب
يوهمني على صحبه واشوف ناوي اسحابي
سحبني يرتجف بيدي احس للكرم طلاب
واثاري نيته سجني يقول الطيب طلابي
دخيل الله يا يمه دخيله والحزن لاصاب
يصوب فيني اقلامي وطوفه صارت كتابي
يقولون السجن يرفع رجال ما لها اشناب
واشوف ان السجن ناوي يقطع فيني اشنابي
شسولف والبشر قالوا شعار المسلمين ارهاب
واذا شافوك متمسك بدينك قالوا ارهابي
اجل وشرايج بواحد كسيته من غلاي اثياب
عطيته كل غلا طيبي واشوفه قطع اثيابي
يا يمه والله هالدنيا يتيمة في موتة الشباب
كثير اللي نسى طبعه وانا في طبع شيابي
هداك الله يا دنيا تعز اللي قليل اطياب
ولعنك الله من صحبه تناست وقفة اطيابي
وجلست اكتب على الطوفة مواقف قصة الاصحاب
وفجأة صاحت الطوفة تلعن فيني اصحابي
ليست هناك تعليقات:
إرسال تعليق