خــلــك ريـــلاكــس -3-

اذا لقيت نفسك مريض وتعبان وطالت فترة مرضك او تكررت لا تتضايج

خلك ريلاكس

دائما المرض هو اقرب طريق بينك وبين الله .. ففي المرض يكسر الكبر والعنجهية والغرور
بطلب المساعده ...
وأحيانا المرض راحة ذهنية لأشياء غير ضرورية تشغل نفسك فيها على الدوام ...  

اذا أوهمك واحد بالصداقة والمحبة والثقة .. وبيوم يبيعك علشان وحده !!

خلك ريلاكس ...

صارت بأرقى العائلات .. وأغلب حروب العالم من الحريم ...

*****
***
**
*

اذا الله بلاج بزوج مغازلجي ولا ينفع وياه الطيب ولا وقفتج وياه طول العمر والسبب انج مو جميلة

خلج ريلاكس

الأيام حصاد .. وبتحصد لج أكثر مما تحصدله .. ولا راح يتهنى باللي يسويه وبينقلب عليه
وبتكونين انتي الربحانه ... لأن ربج اسمه الحق والعادل

*****
***
**
*

اذا انت والد او والدة وعايش مثلي اسبوع الضغط لامتحانات الفصل الأول للمدارس لا تزهق

خلك ريلاكس

ثق تماما ان الدروس الي تدرسها لولدك اهي معلومات تغذي فيها عقليتك وبالتالي
انت الربحان محصلتك المعلوماتية بتكون عالية جدا

*****
***
**
*

على كتر /
ثجيل طينه : فلان ثجيل ‏طينه هي صفة تطلق على ثقيل الدم الذي لا يتقبله الناس سواء بالاحاديث او في ‏التصرفات 

اذا لقيتي نفسج مدرسة ونشرتي افكارج وقامت وحده وباقتها وسوت عليها مشروع ...
وقاموا بلاعين البيزة يصفقون لها وانتي طاقتج البوهه ....

خلج ريلاكس

الغلبه للفكر والتصنيف وانتي في رأس القائمة وان كانت الست الناظرة مو بالعه وجودج .... !!


*****
***

**
*

اذا لقيت نفسك كاتب مقال في جريدة وكتبت مقال وبعد فترة لقيت فكرة البرنامج اهي فكرتك
والأخ مغير بس لأن ولكن وليس وهكذا وبيد أن ... ومنذئذ ( لا هذي قوية ما يعرف يكتبها )

خلك ريلاكس

لكل كاتب بصمة معروفه هي اقوى من البصمة الوراثية وأحيانا هالكاتب يبي تطرش له الواسطه الي حطته في الجريدة علشان يمسك زمام نفسه قليلا .... وبلا انه ينزل مقالاته بناءعلى المشاركات ... هنا هناك ...  

ان لقيت نفسك مضغوط بعمل ما وعمل الساعات عندك بازدياد

خلك ريلاكس

حاول تاخذ بريك وتاكل كتكات ....






اذا تدرس ولدك تربية اسلامية ويسألك منكر ونكير اخوان ؟
خلك ريلاكس ..

واضحك ليشن انشلع قلبك من هالمنهج الغريب جدا  

أن أساؤا الظن فيك وشككوا باخلاقك ...

خلك ريلاكس وابتسم
ببساطه لانهم لايعرفون من أنت ؟؟


وراك مشروع معهم والكل نايم ولايحركون ساكن

خلك ريلاكس مصيرالشغل يخلص

أن عطوك اكثر من مهمة فى نفس الوقت وغيرك مرتاح خلك ريلاكس وقولي اسفة 

*اذا واجهت انسان ثقيل ودائما يحدثك عن نفسه
خلك ريلاكس

* أذا اشتدت حولك المشاكل والصعوبات بيجي يوم يفرجها ربك
خلك ريلاكس

*اذا وجدت نفسك فى دوامة وزحمة افكار توقف ووركز فقط
وخلك ريلاكس   

أذا عندك ولد فضولي ويسألك يمة / يبا أحنا عايشين فى الماضي او في المستقبل ؟؟
خلك ريلاكس

أذا راح معاك البحر وقال لك يمة/ يبا هذا يشبه البحر !!

خلك ريلاكس

خلك ريلاكس
والهموم اللى في صدرك هاتها


خلك ريلاكس
وهات عذرك... وغدرك ...وجرحك


خلك ريلاكس
اذا جفن عينك خاصم رمشها


خلك ريلاكس

بعد هذا كله وأبكي ....

اذا قابلت شخص (رجل - امرأة ) ترك عنه الحياء واستعان ببذاءة اللسان واستخدم اشنع العبارات على الملأ وكنت معه في مواجهة

خلك ريلاكس

ابتعد فورا عن مكان تواجده مجرد تواجدك يسئ لأخلاقك الرفيعه .. لأن من ينتهج هذا النهج
سهل جدا أن يستعين بكل لفظ تتعفف منه مسامع الصالحين حتى يطال منك ..
لذا البعد عن هذه النوعية من منتهجي الانحطاط أكبر غنيمة وهي حفظ الذات


**
*

اذا صادفك شهر طلعت عليك اقساط ومخالفات وتجديد جوازات الخدم واقامات واقساط مدارس
واقساط جامعه بالاضافة لقسط البيت ولقيت نفسك بين فكي كماشه

خلك ريلاكس

لا تحاول تسدد الأقساط دفعة واحد يعني قسط 200 دينار سدد منه 150 فيتبقى لك 50 دينار
وهكذا في هذا الشهر العصيب وفي الشهر الثاني حاول قدر الامكان ان تضع استقطاع شهري قسري لك
قدره 20 دينار فقط لاغير وانساهم ...
في يوم ستحتاج هذه 20 التي قد تصبح 2000 او اكثر ...

**
*

اذا واجهت موقف استنفذ اعصابك وانت من النوع الحمقي والي ما تمر على خشمك الذبانة .. على قولتنا

خلك ريلاكس

المثل الي قول لا ينطلك عرج ..ترى صحيح ..

وهنا يقصد فيها ارتفاع الضغط الدموي يعني ما تسوى يرتفع الضغط او السكر او تكون ضحية هالمرضين وانت بعد صغير وشباب ... وحاول تتنفس بهدوء
او اطلع من المكان الي انت فيه يعني لا تسوي نفسك ابو العناتر وتبي تواجه وآخرتك انت الي بتنطق ..
اطلع اوقف على البحر اقعد عشر دقايق شهيق وزفير قوي اليود يدش جسمك وبترتاح ...

اذا كنت ماشي بشارع مزدحم وحصلت يمك شارع اقل ازدحام ودخلت فيه ... وفجأة لقيت الشارع الي تركته مشى طبيعي وانت انحكرت بزحمة الشارع اليديد

خليك ريلاكس

وتأكد ان الشارع الي انت ماشي فيه بيمشي بكل الأحوال فماله داعي التبتون بين السيارات لأن يمكن هالدقيقة الي تدورها بين السيايير تسببلك حادث غير متوقع ...


**
*

اذا اعترفت لشخص انك تحبه واهو ما بادلك الاعتراف وحب انه ياخذ وقته علشان يحس باللي قلته
خلك ريلاكس
الطبيعي اهو والغير طبيعي انت ... لأن بيحاول يستوعب الي انقال ويقيسه على عدد المواقف .. انت الي عارض حب والحب ما ينعرض ولا ينطلب يجي فجأة لطرفين على استعداد للاعتراف فيه ...

**
*

اذا شفت جماعة يتكلمون انجليزي ويا عربي وانت ضايع بالطوشه ...
خلك ريلاكس ...
واتعلم ثلاث كلمات شكرا ,,من فضلك ,, انا اسف thanks _plz - sorry