كيــــف تعشــــق النســــاء .. ومتى ..!!

الحب عند الحريم ...

 

  في حريم قلبها ما يشيل إلا واحد ....

 واهو انسان يتزوجها

ويصبح الانسان الوحيد الذي تحبه بعد الزواج
وهذيل حريم أول وفي منهم بهالزمان

في حريم .. قلبها  يشيل اثنين  ...

 واحد تحبه وما تقدر تاخذه يا إنه ما يبيها

أو ما ماقدرت تتزوجه لظروف عائلية او مادية

... والثاني تعيش وياه ...
يا إنها تحبه وهذي الانسانة المخلصة

أو أنه تعيش على الحب السابق وتقعد تقارن بهالمسجين
لين تطلع عيونه وأهو يا غافلين لكم الله ...

في حريم قلبها مثلث متساوي الأضلاع ...

واحد تحبه بالمراهقه

أيام المدارس وشغل مستحى ومكاتيب معطره وسيارته اذا شخطت بالفريج فزت من مكانها ...
وفجأة تلاقيه خطب فلانه الي أهي أحلى منها شلون جذي ...
تقعد تبجي لين تقول يخيب ثناها ...
وتعيش منغمته سنة سنتين ..

وحبها الثاني بالجامعة
يبين لها أن الرياييل مو سوا ..
وان أهو المثقف والمتحرر ...

وتعيش وياه قصة حب 

أربع سنوات الجامعه ...أحلى عمرها ..

يطلع المثقف رجعي والمتحرر قبلي 

وإن أبوه فارض عليه بنت عمه الجيكره !!
ويتزوج بنت عمه واهي مسيجينه تعيش كسره القلب
وتعيش وتقول آبو الحب لا بو جلب ... 

تشتغل ويكلمونها عن واحد

ولد حموله يبي الزواج ....
وتتزوج زواج تقليدي
وتنستر وتحب هذا الزوج شوي شوي 

راح تعرف ان انسان عادي
لا ينادي بالحرية ولا ينادي بالثقافة ...
كافي عليه الجمعية والسوق وسوق السمج احيانا ....

ووحده قلبها صندوق مربع صغيرون ...


الي تحبه وتلاقيه مو كفو تعطيه طاف والي بعده ...
ولين تتزوج وهم ما يعجبها ويطلع طاف ..
فالحب عندها مزاج ...
لين ترسي على بر ويمكن ما ترسي !!!

 

وفي وحده  قلبها مثل بيت الشعر الأسود
اللي يبونه بالبر متوسع ( يعني مبني على تسع أعمده ) ويصنع من وبر الابل ...
hand made

هذي لا حرج عليها اهي نفسها مو عارفه منو الي دش قلبها ومنو الي طلع ...

 

وهذي الي عايشه صح وحظها قايم والي تتزوج اكثر من مرة في حين بنات الحمايل اللي تدور الستر في بيوتها محد يطق بابها