خلك ريلاكس طازج ..

اذا شفت ولدك او بنتك يطالعك بحقد علشان انت الي ساحب الألف  

خلك ريلاكس 

واخذهم الغانم وسط الزحمة تلوع جبودهم ويرجعون وياك بأقل الأسعار لأن كل شي مخلص  , مادري رايحين المحلات الفجر!! 

****

اذا شفت ضابط ايقاع فجأة صار كاتب مقال 

خلك ريلاكس 

واقرى له مقال بتلوع جبدك من الاستعارات المكنية والبلاغات التي نظام دمبكجية  

****

اذا شفت واحد يصدح بذم وتحقير رموز بلدك ويدعي الوطنية 

خلك ريلاكس 

اشباه الرجال هؤلاء يمشون وراء أجندة اسمها المصلحة الشخصية ومتى ما انتهت بحثوا عن غيرها وشيشوا الديره 

*****

اذا شفت شباب يعس بالسوقه الي فنتس بالصالحية و360 والي متقلقص بالأفنيوز وتالي الليل يبون تاشيره  

خلك ريلاكس 

في شباب زي الورد متطوعين ينظفون شواطئ الكويت ويقيمون الحملات التطوعية 

****

اذا شفت كاتب صفحة أمنية يناطح عيال  الرعيل الأول في الكويت دون حياء وباستفزاز

خلك ريلاكس 

مو كل الطير الي ينوكل لحمه  يا بابا ..
في ذيابه تاكلك وتوديك ورى الشمس .. 
واذا مو عاجبك هؤلاء الرجال أحفاد الرجال عقل على روسنا.. 
واي اي  لا مو نغزه  هذا تهديد  خل ينفعك من شيشك

*****

اذا ما قدرت تنام طول الليل لمدة اسبوع الا ساعة 

خلك ريلاكس 

يعني قاعد بتاهيتي وين ما تروح قصف ودم وأخبار مزعجة وحتى المنحة راحت على الديون .. فعادي اغلب الناس مثلك  

****

اذا شفت التيما طايره وراك وتكبس علشان تلف بعد 5 متر 

خلك ريلاكس 

وامش بطريجك شتسوي يعني تلحقه تكرفسه من الجسر!! 

*****

اذا حبيت انسان من كل قلبك وهالانسان طلع
انت بصوب واهو بصوب 

خلك ريلاكس 

تصير بأحسن العائلات , يعني كوبرفيلد ويا ويهك .. انسى يبا  


*****




اذا كتبتلك موضوع طويل عريض وبترسله وانمسح 
خلك ريلاكس 
واخذ قلاص الماي , القهوة , الجاي واسكبه على نفسك علشان مرة ثانية تتعلم تسوي حفظ للي تكتبه افرض طفت الكهربا؟ 




*****
اذا حطيت اغنية لمدة 3 ايام ما تسمع غيرها ولا تغير عليك اللحن ولما تركب السياره تلاقي نفسك مو حافظ منها حرف 
خلك ريلاكس 
وروح مستشفى السمع عندك مشكلة وان طلعت سليم بدربك 
لمركز الاستيعاب عندك صعوبة تعلم او تأقلم أو تحكم