ليـــش ...قولــي انــت ليـــش؟ بالكويـــــتي

ليش ...
ما تدري ان صوتك له تأثير اذا كان في الزاوية الصحيحة!! 
 

ليش ...
الايمان بقدرة الانسان على التغير غير موجوده في مجتمعنا !!! 
 

ليش ...
علم الفراسه اصبح مفقود ... 
 
علم البيان اصبح مفقود ...
 
علم البلاغة الأدبية اصبح مفقود...
 
علم الخطااااااااااااابه أصبح مفقود ...! 

(ليش) .. 

القلــوب صـــارت فقيـــرة .. لا أحــد يسكـــنهــا ؟؟ 

ليش ...
كثروا مدعين العلوم ... والي يغث كثروا طبالينهم ...!! 

(ليــش) ...عنصــرية البيــض ضــد الســود التــي كانت

في أمريــكا ســابقــاً .. موجــودة حاليــاً

فــي الكويــت لكــن بشكــل آخـــر ؟؟

(ليــش اقـولهــا بحســرة والله ) ...

ليــش أصبــح الناس قُســاة ؟ 

ليش ...
محد يعتبر من الأخطاء الي تصير جدامه ..!! 

ليش ...
البعض ياخذه الغرور لما يظن الي جدامه غبي ...!! 

ليش ....
الاستهتار بالدين صار شي عادي ...!! 

ليش ....
الضباع تدور على الجيف ... ولا تواجه ....!!
من أسرار علم الحيوان 

ليش ...
تتعب وانت توصل فكره للناس اهي أساسا واضحه ...!! 

ليش ..

أصبحوا البشر يستغـلون مناصبـهم .. لتلبيـة مصالح شخصيـة..؟

ولفرض نـفوذهم .. وتصفيـة حسابات شخصيـة ..؟

سواء كانوا على حق .. أو بـاطل

ليش ...
صارت الكويت مثل مسرحيه كوميدية مافيها الا طنازة وهبوط في الطرح تردى السيناريو
رداءة الممثلين
سوء ادارة المسرح
غباء المخرج
ضياع الاضاءه ...
والجمهور في حالة هيستيريه من الضحك المتواصل ...
لأن الممثل الرئيسي رقص على المسرح ..
ووراه فرقة طبالين من كل حدب وصوب ...!! 
 

ليش ... 

ورى الاحسان اساءه 
 
متى يصير احسان باحسان ! 

ليش...

الصداقة فجأة تصير تهكم من اصحابك وتعمد احراجك 

وطعن في مصداقيتك ...  لمجرد انك انسان معطاء ... 
 

ليش ... 

لما نكب القهوة نقول خير خير بيلكم ؟ 
 
ولما ينكسر قلاص ... نقول انكسر الشر ؟ 
 
ولما ننضغط ونرد ... يقولون ترى غشمره مو صج !

 ليش ... 

قالوا حبل الجذب قصير .... 

ليش ... 

قالوا احذر عدوك مرة وصديقك الف مرة ...

ليش ... 

لا قلب الصديق  عليك... تحس ان فلس الدقيقة الي كلمته فيها حرام فيه ...
 

 ليش 

صخلة الفريج تحب التيس الغريب ؟ 

ما صارت صخله علينا

حلقنالها وحطينا بوتكس وركبنا بكله يديده 

ونحتنا خصرها وخزامه ... 

وكل هذا مو عاجب ؟ 

على الاقل هالغريب ياخذها بخماشيرها

ليش ...
الأديب صار بودي قارد ... !! 
 
والكاتب صار ... بيد الست ... يكتب بناءا على أوامرها !! 
 
صفية العمري ... وين أيااااااامج وين !! 

ليش ... 

بعض العائلات يضعون شعار تأسيس عائلاتهم بالكويت على

سياييرهم وهم كلهم فخر !! 
 
عكس الي يلعلع ... واهو محدث نعمه ... 
 
يعني بالله 
 
من أين لك هذا !! 
 

ليش ... 

حتى العسل صار مر ... !
من كثر الأشياء الي يحطونها عليه ...
للشعر
للربو
للصدفية
للرجال فقط
للنساء فقط
للقطط فقط ؟
شالسالفة!

ليش ... 

العتب مثل العتبة ... دائما يكون خارج البيت او العلاقة .... ! 

ليش ... 

الاستهزاء بالبشر ومعطيات زمن هو ليس بأيديهم
أن تسلط عليهم الاناره في مسلسل كرتوني
دولة..... البدون
العاصمة ... ماكو
العملة ...بلاش
الرئيس .. الشيخ محد بن غايب
بدون ... مطار
بدون ... جيش
مهزلة تلو مهزلة
من بشر قد يستجاب دعائهم
اغلبهم حملة شهادات ومتفوقين دراسيا
والنصف الآخر يجد لقمته ويعيل أسرة كاملة 

ليش ... 

بس ينجح شيء بالكويت سنتين ويصير سياسي !! 
 
سكوب ... قناة فنية فجأة صارت سياسية ! 
 
بو قتادة وبو نبيل .. مسلسل كرتوني فجأة صار سياسي ! 
 
ام سعف .. مسلسل كرتوني نسخة عن المسلسل الاماراتي

ام خماس صار سياسي ! 
 
ليش 

كل شي صار سياسي 
 
حتى الكاشير بالجمعية محلل سياسي ...!

ويبي يستجوب أكياس الجمعية بسرعه تخلص!