عشق الرجال بكل مراحله ..

الشعراء يقولون مالا يفعلون يا زميلي ...

من ذا الذي صمد على الحب الأول ...! 
 
اليك مجموعه من الحب! 
 
حب الطفولة من 10-12

تلفزيونات وممثلات ويتعرف على أشكال أبطال الأفلام من عمره 
طبعا بس ما يبين عليه الأم بس تعرف لولدها أو بنتها
 
حب المراهقة من 13 -17

مطربات وانترنت وبنات المدارس الي يمهم ( حزة الهده)تلاقيه ناطر ترنع براسه الشمس وبلاك بيري ولا هامه البطل أحمد رمزي ..
عادي وعلى ما يوصلون أهله طايح بالفراش
 صخونه 3 ايام من النطره على الرصيف!
 
حب الشباب 18-24

حب الجامعه هني أخذ تضبيط دكاتره ومحاضرات 
والي ورى المحاضرات مراقبة من بعيد لبعيد اذا يستحي اذا ما يستحي 
عادي بي بي وسلامتك وتعيش ..
 
جاد يخطب البنية ويتزوجون بالجامعه مو جاد غيرها ألف
 كل ما يلزمه سياره كشخه وتلفون كشخه وساعة رولكس ...بس
 ..وأبواب الجنة مبطله!
 
حب الفتوه 25-29

بنات الدوام ورفيجات البنات والمراجعات والي يتخالفون بالشارع 
والي عنها موتر أصفر بكشافات أو الي تفتر على الحب الظهاري ! 
وتلاقيهم يمترون هالشارع ..
مو الدائري السابع الي يبي قار هالشارع انحفر انحفر خلاص طلعت روحه !!

هني شوي على أوسع مو مهم بس السيارة والساعه والموبايل 
لازم التي شيرت ماركه والبنطرون وإذا دشداشه لازم حتى العقال يتنشا !!
 
لكن المهم بهالعمر الثقافة يكون متكلم يقدر يفتن 
وإذا حب صج يتزوج ما حب هم لسانه يجيب الشيطان بكبره !
 
حب الرجولة30 -40 
 
يا إنه يحبها من الجامعه ويتزوجها صغير ..
 أو يحبها على زوجته وهني حدى الشايتين
 يا إنه يلعب يا إنه يكون متيم ويبي يتزوج
  ومسيكينه الي تطيح بيد واحد يلعب بهالعمر 
يكون مار عليه وايد وعارف تماما أساسيات اللعبة 
وكل بنت شنو مفتاحها وشنو نقطه ضعفة . 
 البنية دينه يدشلها من الدين طلع يصلي .
 البنية الفري يطلع ليبرالي متلون لأن في ليبراليه محترمين جداً
 وأهو تلاقيه في بيتهم سي السيد ..
 البنت صايعه يطلع علماني وكان الله بالسر عليما ..
يمشي على كل لون وشكل ...
 
حب أزمة منتصف العمر 42-50

حدث ولا حرج , إهي مسجات إهي تلفونات إهي نظرات عند البيبان 
أهو ورد للدوام ..إهي واسطات اذا مو راضية البنت
 , إهي سوالف تفشل و إهي ايميلات وصور وأشعار وكله حاط صورة عين تبجي !!! وتحصلهم ب360 الصبابيح أو الظهاري او بالأفنيوز غاص فيهم 
أو بالصالحة لابس نص جم ساعته أكبر من صماخه
 كلش مو تقليد من البرقة الغير طبيعية عفية الماس جذي !!! 
أو تحصلهم شابكين بالمواقع وتويتر والفيسبوك  أربع وعشرين ساعة
 أو دوام شفتات على حسب الخوات متى يتواجدون ..
وكلهم خواته إلى أن يثبت العكس بظرف أسبوع ! 
 وأغلبهم متزوجين حريم ورياييل !!! 
 
أو منفصلين ويدورون النص الحلو 
وكلهم سياسين محنكين واقتصاديين واسلامين وليبراليين
 وعلمانيين ودكاتره ويفهمون بالسحر 
وحتى الأبراج ومنهم يطلعون فلكيين بالنهاية !
 واااعلي  حاسين بالظلم والاضطهاد ويبون مرة تفهمهم !! 
والي تفهم تسلملي ع الصابونه !!
 
حب المراهقة المتأخره 50-63

( يحوسون بالسوقه يرقمون) 
هذا لا شغل ولا عمل تلفون بو ليت ويسوع بالسوقه 
طاق الشنب صبغة الشايب ومركب طقم جنه عمر الشريف 
وناسف الغترة ولا تشوف ريوله شلابس مكرم السامع !!!
 واللي يغثني الي يلبس كله أبيض حتى يكرم السامع
 الجوتي أو النعال ابيض جنه طباشيره ..ليش !! 

ينتهي حب الحريم
 
ويمسك بحب الدنيا65

إلى ما شاء الله
وسلامتك وتعيش !!!
 
وفي ناس رغم صغر سنها تقدر الأخلاق والحب الحقيقي ..
وإذا كان حب حقيقي لا يمكن تنساه
ممكن يجي واحد جديد
لكن
الحب الأول أهو الأكثر وقع في النفس